2025 оны 6-р сарын 6-ны өдөр “Финко Капитал ББСБ” ХХК нь мэдээллийн аюулгүй байдал, кибер аюулгүй байдал болон хувийн нууцын хамгаалалтын олон улсын стандартыг нэвтрүүлдэг болохоо бататган ISO/IEC 27001:2022 гэрчилгээгээ шинэчлэн энэ жил дахин гардан авлаа.

Энэхүү гэрчилгээ нь байгууллагын мэдээллийн аюулгүй байдлын удирдлагын тогтолцоо (ISMS)-г амжилттай хэрэгжүүлж, олон улсын түвшний шаардлагыг хангаж байгааг баталгаажуулдаг ба зээлийн үйлчилгээ, итгэлцлийн үйлчилгээ, финтек зээл, факторинг, мөн төлбөрийн хэрэгсэл гаргах үйлчилгээ зэрэг үйл ажиллагааг хамарч байгаагаараа онцлог юм.

Мэдээллийн аюулгүй байдал нь финтек болон санхүүгийн байгууллагын үндсэн үнэт зүйлсийн нэг бөгөөд Финко Капитал нь ББСБ нь: • Үйлчлүүлэгчдийнхээ хувийн мэдээллийг найдвартай хамгаалах • Дотоод мэдээллийн урсгалыг хянах • Дижитал үйлчилгээний найдвартай, тогтвортой ажиллагааг хангах зорилгоор энэхүү гэрчилгээний шаардлагуудыг тогтмол хэрэгжүүлдэг билээ.

Цаашид ч бид үйл ажиллагаагаа олон улсын стандартын түвшинд хадгалж, хэрэглэгч, хөрөнгө оруулагч та бүхнийхээ өмнө илүү хариуцлагатай, итгэлтэй мэргэжлийн санхүүгийн үйлчилгээгээ үзүүлсээр байх болно.