Ногоон зээл гэдэг нь байгаль орчинд эерэг нөлөө үзүүлэхээр төлөвлөгдсөн төслийг санхүүжүүлэх зорилгоор төрийн байгууллага эсвэл санхүүгийн байгууллагаас олгогддог зээл юм. Эдгээр зээл нь Олон улсын Хөрөнгийн зах зээлийн холбоо (ICMA)-оос тодорхойлсон Ногоон зээлийн дөрвөн зарчим (GLP)-ыг дагаж мөрдөх шаардлагатай.
· Ногоон зээл нь тодорхой байгаль орчинд чиглэсэн төслийг санхүүжүүлэхэд зориулагддаг зээлийн төрөл юм. · Хувь хүн болон байгууллагууд ногоон төслөө санхүүжүүлэхээр ногоон зээлд хамрагдаж болно. · Тухайлбал, байгууллага ногоон барилга барих, хувь хүн нарны зайн систем суурилуулахад энэ зээлийг авч болно. · Ногоон зээл авснаар зээлдэгч болон зээл олгогч аль аль нь ESG (Нийгмийн хариуцлага, Байгаль орчин, Засаглал) зорилгодоо нийцэж буйгаа харуулах боломжтой.

Ногоон зээлийн 4 зарчим (GLPs)
1. Зээлийн зориулалт Зээлийн хөрөнгө нь байгаль хамгаалал, нүүрстөрөгч багасгах гэх мэт тодорхой байгаль орчны үр нөлөөтэй төслийг санхүүжүүлэхэд зориулагдана. 2. Төслийг үнэлэх ба сонгох үйл явц Төслийн зорилго, хүрэх үр дүн, эрсдэлийг тодорхойлон ил тод мэдээлэх шаардлагатай. 3. Зээлийн зарцуулалтын менежмент Зээлийн хөрөнгийн зарцуулалтыг бүртгэж, ил тод байлгах хэрэгтэй. 4. Тайлагнал Төсөл хэрэгжиж байх хугацаанд жил бүр ахиц дэвшил, байгальд үзүүлсэн нөлөөллийн талаарх тайлан гаргах шаардлагатай.