FICO оноо нь таны зээлийн түүхэнд үндэслэн гардаг гурван оронтой тоо юм. FICO оноогоор таны хариуцлагатай байдлыг үнэлдэг.

Энэ нь зээлдүүлэгчид таны зээлийг эргэн төлөх магадлалыг тодорхойлоход тусалдаг. Үүний үр дүнд та хэр их зээл авах боломжтой, хэдэн сарын хугацаатай эргэн төлөх боломжтой, мөн зээлийн хүү хэр өндөр байхыг шийддэг.

FICO оноог таны зээлийн тайлангийн товч дүгнэлт гэж ойлгож болно. Энэ нь таны зээлтэй байсан хугацаа, нийт зээлийн хэмжээ, ашиглаж буй зээлийн хувь хэмжээ, төлбөрөө хугацаандаа төлсөн эсэх зэрэг хүчин зүйлсийг хэмждэг.

Сүүлийн үед өндөр хөгжилтэй орнуудад хүмүүсийг ажилд авахдаа FICO оноог нь хардаг болсон. Учир нь FICO оноо өндөр байх нь та зээлээ хугацаандаа төлдөг, өндөр хариуцлагатай хүн гэдгийг илтгэдэг болжээ. Цаашлаад олон шийдвэр гаргалтад нөлөөлөх ач холбогдолтой оноо болж байна. Дэлхийтэйгээ хөл нийлүүлье. Хариуцлагатай байдлын оноогоо илүү өндөр болгоорой.